Landlæknisembættið - Directorate of Health

17.09.2009

Einkenni inflúensu og staðfest inflúensa í Sögu sjúkraskrá

Frá 29. júní – 13. september 2009 voru skráð samtals 1264 tilfelli með inflúensulík einkenni eða staðfesta inflúensu í Sögu sjúkraskrá, þar af voru 570 karlar og 694 konur. Faraldurinn færðist í aukana um miðjan ágústmánuð (í viku 33) og hefur vikulegur fjöldi tilfella á landsvísu verið svipaður síðastliðnar vikur, sjá mynd 1. Flest tilfelli hafa greinst á suðvesturhorni landsins en fæst í Vestmannaeyjum. Svo virðist sem faraldurinn hafi náð hámarki á landsbyggðinni um miðjan ágúst (í viku 33) en eftir það tilfellum hafi síðan fækkað nokkuð. Á höfuðborgarsvæðinu hefur vikulegur fjöldi tilfella verið svipaður síðastliðnar viku og virðist faraldurinn í hraðari útbreiðslu á höfuðborgarsvæðinu en á landsbyggðinni, sjá mynd 2. Flest tilfellin eru í aldurshópnum 15-34 ára, sjá mynd 3.

Mynd 1

Mynd 2

Mynd 3

Skráningin byggir á sjúkdómsgreiningum sem læknar á heilsugæslustöðvum og sjúkrahúsum í landinu skrá í Sögu sjúkraskrá. Sjúkdómsgreiningin er langoftast byggð á klínísku mati læknis en er í stöku tilfellum einnig staðfest með sýnatöku. Þessi skráning endurspeglar að líkindum betur útbreiðslu inflúensunnar í samfélaginu en fjöldi staðfestra tilfella með sýnatöku.

Sóttvarnalæknir