Landlæknisembættið - Directorate of Health

Stökkbreytingum á svínainflúensuveirunni hefur verið lýst á nokkrum stöðum í heiminum þ. á m. í Noregi.

Inflúensuveirur taka alltaf einhverjum minniháttar breytingum og búast má við að svínainflúensan geri það líka. Það er óljóst hvort veiran verður skæðari með þessum breytingum sem lýst hefur verið og ástæðulaust að óttast það að svo stöddu.

Niðurstöður rannsókna á sams konar inflúensubóluefni og notað er hér á landi hafa sýnt að bóluefnið veldur góðu og breiðvirku ónæmissvari sem verndar gegn mörgum undirtegundum veirunnar.

Engin ástæða er til að óttast að svínainflúensubóluefnið sem notað er á Íslandi verndi ekki gegn hinum nýju afbrigðum veirunnar. 

Sóttvarnalæknir